Күп еллар дәвамында бухгалтер һөнәре кадрлар базарында иң кирәкле һәм перспективалы һөнәрләрнең берсе булып тора. Хәзер квалификацияле бухгалтердан башка бер оешма да була алмый - кечкенә фирма яки эре компания булсынмы, хәтта шәхси эшмәкәрләргә да салым һәм бухгалтер исәбе алып барырга туры килә һәм күбесе бу эшчәнлекне профессионалга йөкләүне өстен күрә. Финансист һөнәре яшь кешеләр алдында банк өлкәсенә ишекләр ача. Икътисадтагы мәгълүмати системалар һәм технологияләр юнәлеше студентлары программа һәм аппарат чаралары нигезендә мәгълүмати куркынычсызлык, мәгълүматны саклау алымнары турында белем алалар.
Менеджер һөнәре - предприятие белән идарә итүдә үзен сынап карарга теләүчеләрнең хыялы. Бу белгечлек бик кирәк, әмма бик катлаулы да — чөнки компаниянең барлык бүлекләре эшенә анализ ясарга туры киләчәк. Идарәче персонал сайларга һәм предприятие хисапларына анализ ясарга һәм теләсә нинди эшчәнлекне оештыра белергә тиеш.
Дәүләт һәм муниципаль хезмәткәр һөнәре дәүләт структураларында да, коммерция фирмаларында да административ оештыру эшен күз алдында тота.
Бүген Казан ДАУ икътисад Институты - икътисадтагы хәзерге шартларда икътисади профиль белгечләрен профессиональ әзерләүнең югары дәрәҗәсен тәэмин итүче заманча укыту-фәнни үзәк. Профессор-укытучылар составы җитәкчелегендә студентлар һәм аспирантлар төрле Бөтенроссия, региональ грантлар, олимпиада, конкурслар һәм конференцияләр җиңүчеләре һәм призерлары булалар. Аларның фәнни эшкәртмәләре апробация уза һәм РФ һәм ТР Авыл хуҗалыгы формированиеләре эшчәнлеге практикасына кертелә.
Алар санына эләгәсең киләме? Математика, рус теле һәм җәмгыять белеме буенча БДИ нәтиҗәләре бармы? Казан ДАУ кабул итү комиссиясенә кил! (каб.№1)
2019 елда Казан ДАУ ректоры боерыгы белән коммерцияле белем бирүнең бәясе турыдан-туры БДИ нәтиҗәләренә бәйле. Өч предметтан 180нән артык балл җыйган абитуриентлар өчен 25% бирелә һәм уку бәясе елына 83000 сум тәшкил итәчәк.
Коммерция нигезендә уку өчен:
- Кабул итү комиссиясенә белем алу турында дәүләт үрнәгендәге документның оригиналын бирергә;
- Документлар тапшыру турындагы распискада виза алырга (рөхсәт; (кабул итү комиссиясе кабинетында).
- Бухгалтериядә түләүле белем бирү хезмәтләре күрсәтү турында килешү төзергә (Казан шәһәре, К. Маркс урамы, 65).
Килешү төзегәннән соң, теләсә кайсы банкта укытуның беренче елы өчен акча түләргә кирәк. Белем бирү хезмәтләре күрсәтү Кагыйдәләре нигезендә мәгариф хезмәтләре өчен түләү 1 уку елы (курс) өчен бер үк вакытта яки елга 2 тапкыр 50% (һәр семестр өчен) өлешләп башкарыла.
Казан дәүләт аграр университетында икътисад һәм агросәнәгать комплексы белән идарә итү өлкәсендә конкуренциягә сәләтле һәм базарда ихтыяҗ зур булган белгечләрне әзерләү 1961 елдан бирле алып барыла. Булачак һөнәрнең конкуренциягә сәләтлелеге һәм коммерцияле укытуның бәяләр сәясәтенә лояльлеге безнең абитуриентлар өчен мөһим факторлар булып тора.