«УМНИК – цифрлы Россия» Бөтенроссия конкурсында катнашуга гаризалар кабул ителә башлады, ул цифрлы икътисадның үтәли технологияләре өлкәсендәге проектларга ярдәм итүгә юнәлдерелгән.
Конкурс биш шәһәр базасында инновацияләргә ярдәм фондының «УМНИК» программасы кысаларында тормышка ашырыла:
- Мәскәү - Үзәк Россия төбәкләре өчен;
- Санкт-Петербург - Төньяк-Көнбатыш регионнары өчен;
- Казан - Идел буе һәм Урал төбәкләре өчен;
- Томск - Себер һәм Ерак Көнчыгыш төбәкләре өчен;
- Ростов-на-Дону - Көньяк һәм Төньяк Кавказ төбәкләре өчен.
Конкурста 18-30 яшьлек, РФ гражданнары булган һәм элек Фонд белән килешүләре булмаган студентлар, аспирантлар, яшь галимнәр, инноваторлар, эшкуарлар һәм югары технологияле компанияләрнең хезмәткәрләре катнаша ала.
Мөрәҗәгать итүчедән «УМНИК – цифрлы Россия» конкурсы кысаларында теләсә кайсы бер юнәлешкә бер гариза бирү рөхсәт ителә.
Конкурсның тематик юнәлешләре «Цифрлы икътисад» милли программасының цифрлы технологияләренә туры килә:
- ясалма интеллект;
- виртуаль һәм тулыландырылган чынбарлык технологияләре;
- яңа җитештерү технологияләре;
- робототехника һәм сенсорика компонентлары;
- чыбыксыз элемтә технологияләре;
- бүленгән реестр системасы;
- квант технологияләре.
Иң яхшы проектларның авторлары ноябрьдә игълан ителәчәк һәм 2019 ел ахырына кадәр 500 мең сум күләмендә грантка килешүләр төзеләчәк.
Гаризалар 2019 елның 22 сентябренә кадәр кабул ителә.
Конкурста катнашу өчен «УМНИК» программасы сайтында гариза тутырырга кирәк: https:// https://umnik.fasie.ru/digital-kazan/