23 декабрьдә Лаеш балалар йортында тәрбияләнүчеләргә кунакка идарә кафедрасының өлкән укытучысы Сафиуллин Нияз Азат улы һәм кафедра мөдире вазыйфаларын башкаручы Савушкина Луиза Низам кызы җитәкчелегендә Казан дәүләт аграр университетының икътисад институтының 571 нче төркеме студентлары килде. Алар "Кыш бабайны эзлибез" исемле интерактив программа әзерләгәннәр. Очрашу башында балалар кунакларны якынлашып килүче Яңа ел белән котладылар, үзләренең концерт номерларын күрсәттеләр. Соңыннан кунаклар балалар белән күңелле конкурслар үткәрделәр, Яңа ел җырлары җырладылар, әйлән-бәйлән уйнадылар. Барлык балаларга да татлы бүләкләр тапшырылды.
Корпоратив социаль җаваплылык дәресләрендә студентлар командасы балалар йортына хәйрия акциясе презентациясен әзерләде, бюджетны исәпләде, акчаларны җәлеп итү механизмнарын эшләде. Декабрь башында төркем икътисад институты студентлары алдында чыгыш ясады һәм акча җыя башлады. Учреждениегә спорт җиһазлары, шәхси гигиена һәм тәм-томнар кирәк. Теләге булган һәркем Лаеш балалар йортына әлеге проектка теләсә нинди сумманы күчереп ярдәм итә алды.
Кафедра студентлары һәм укытучылары әлеге хәйрия акциясен гамәлгә ашыруда ярдәм иткән барлык битараф булмаган кешеләргә рәхмәт әйтәләр. Анда студентлар да, укытучылар да, хезмәткәрләр дә, университет җитәкчелеге дә катнашты. Зур рәхмәт!
"Лаеш балалар йорты» ятим балалар һәм ата - ана каравыннан мәхрүм калган балалар өчен дәүләт белем бирү учреждениесе 1920 елда нигезләнә. Балалар йорты ике бинада урнашкан. Лаеш балалар йортында 2 яшьтән 17 яшькә кадәр 30 кеше тәрбияләнә.
