2018 елның 15 сентябрендә ТР буенча ЭЭМ ЮХИДИ идарәсе территориясендә автомобиль йөртүче студентлар арасында «Автосессия-2018 " конкурсының шәһәр этабы узды.
Конкурс ТР Мәгариф һәм фән министрлыгы, ТР Яшьләр эшләре министрлыгы, ТР буенча ЭЭМ ЮХИДИ идарәсе «Юл хәрәкәте иминлеге фәнни үзәге» ДБУ белән бергә, «Бөтенроссия автомобильчеләр җәмгыяте» ТИО һәм башка кызыксынган министрлыклар һәм ведомстволар белән берлектә үткәрелде. Чараның максаты - республиканың югары уку йортлары студентлары һәм урта махсус уку йортлары укучылары арасында юл-транспорт һәлакәтләре санын киметү.
Конкурста «Юл хәрәкәте кагыйдәләрен иң яхшы белүчеләр», «Автомобильне фигуралы йөртү» һәм иҗади «Юлда куркынычсызлык – авариясез хәрәкәт” дигән иҗади этап булды.
"Автосессия-2018» конкурсының барлык этаплары нәтиҗәләре буенча Казан ДАУ студент-автомобильчеләре мактаулы II урынны алдылар.
Казан ДАУ командасын студентлар: Аглиулин Сәид Марат улы, Соколов Олег Андрей улы, Сахавеев Адел Айрат улы тәкъдим итте. Җиңүчеләрне котлыйбыз һәм конкурсның республика этабында уңышлар телибез!
