2018 елның 10 декабрендә Казан дәүләт архитектура-төзелеш университетында Казан шәһәре мэрының исемле стипендиясен алуга студентлар һәм аспирантларның фәнни-тикшеренү һәм фәнни-гамәли эшләре конкурсының турыдан-туры этабы узды. Конкурс ел саен һөнәри белем бирү учреждениеләре студентларын, югары белем бирү учреждениеләре һәм фәнни оешмаларның аспирантларын җәлеп итү максатында үткәрелә.
Экспертлар арасында безнең вуздан философия фәннәре кандидаты, философия һәм хокук кафедрасы мөдире Нәҗметдинова Фәридә Тансык кызы да бар иде.
71 катнашучы булды. Аларга үз эшләрен тәкъдир итәргә һәм экспертларның сорауларына җавап бирергә кирәк иде. Катнашучылар арасында Казан дәүләт аграр университеты студенты Рязанова Юлия «За руку с искусством — маленький шаг в большое будущее» проекты белән (җитәкчесе Сафиуллин Нияз Азат улы) бар иде. Эшнең максаты – балалар йортларыннан һәм приютларыннан балаларны социаль тернәкләндерү.
Моннан тыш, алга таба тәҗрибә алу өчен конкурста «Дәүләт һәм муниципаль идарә» белгечлеге буенча белем алучы Огородников Никита һәм Ильясова Динара да булдылар. Алар шулай ук конкурска гаризалар бирделәр, әмма техник сәбәпләр буенча экспертизаны узмадылар.
24 декабрьдә Казан Ратушасында конкурс җиңүчеләрен бүләкләү тантанасы булачак.
