13 апрельдә агрономия факультетының актлар залында "Тоталь диктант" халыкара акциясе-конкурсы узды. Аны ел саен фәлсәфә һәм хокук кафедрасы укытучылары оештыра. Әлеге чараның максаты – грамоталыкны арттыру һәм рус телен популярлаштыруга ярдәм итү. Быел, текст буларак, Павел Басинскийның М. Горький пьесасы буенча куелган "Ловец душ " әсәреннән өзек кулланылган. Тоталь диктант язуда ДАУ студентлары һәм Казан шәһәре халкы катнашты. Аның текстын Fragency агентлыгының SMM җитәкчесе Фасхеева Регина укыды.
