Бүген «Татарстанда кыр көне – 2019» кыр форматындагы күргәзмә – форум ачылды. Ул 2 июльдән 4 июльгә кадәр өч көн барачак.
Казан ДАУ анда бик яхшы һәм эчтәлекле стендларда һәм Казан ДАУ галимнәре тарафыннан эшләнгән үсемлекләрне яклауның заманча технологияләре ярдәмендә үстерелгән төрле авыл хуҗалыгы культураларының тәҗрибә кырларында үз казанышлары күргәзмәсен тәкъдим итте.
Казан ДАУ күргәзмәсендә аның танылган укучылары: беренче президент Минтимер Шәймиев һәм ТР Президенты Рөстәм Миңнеханов булды, РФ Дәүләт Думасы депутаты Хәйруллин А. Н., шулай ук Татарстан Республикасы авыл хуҗалыгы һәм азык-төлек Министры Әхмәтов М. Г. катнашты. Казан ДАУ ректоры А. Р. Вәлиев мәртәбәле кунакларны университетның Россия һәм Татарстан агросәнәгать комплексы өчен югары квалификацияле һәм конкуренциягә сәләтле кадрлар кузницасы буларак үсешенең хәзерге торышы белән таныштырды. «Агробиотехнопарк» инновацион проекты һәм «Иннополис» Университеты - «Телеагрон» һәм «Bioinovatica» компаниясе белән партнерлык проектлары турында сөйләде. Казан ДАУ тарафыннан гамәлгә ашырыла торган авыл хуҗалыгы техникасы буенча балалар проекты кунакларның игътибарын аеруча җәлеп итте.
Күргәзмәне әзерләүдә университет укытучылары һәм хезмәткәрләре, фәнни-инновацион эшчәнлек белән идарә итү, кабул итү комиссиясе актив катнашты.
Күргәзмә-форумны оештыручылар: Татарстан Республикасы авыл хуҗалыгы һәм азык-төлек Министрлыгы, Алман авыл хуҗалыгы җәмгыяте (DLG), «Казан ярминкәсе» ААҖ, IFWexpo Heidelberg GmbH.
«Идел буенда Халыкара кыр көннәре» Россия Федерациясе авыл хуҗалыгы Министрлыгы, Татарстан Республикасы Президенты ярдәме белән үткәрелә. «Идел буенда Халыкара кыр көннәре» - ул Россия агросәнәгать комплексы үсешенә ярдәм итү бурычын куя торган федераль дәрәҗәдәге проект.
