2018 елның 20 сентябрендә Түбән Новгород дәүләт аграр университетында Идел буе федераль округының яшь галимнәр һәм аграр югары уку йортлары белгечләре Советының киңәйтелгән утырышы узды.
Киңәшмәдә Казан дәүләт аграр университетының яшь галимнәр Советы Рәисе Сафиуллин Нияз Азат улы катнашты. Ул "Яшь галимнәр Советын мәгълүмат белән тәэмин итү" дигән доклад белән чыгыш ясады. Анда ике проект тәкъдим итте: Казан ДАУның яшь галимнәр Советы сайты һәм Казан шәһәре яшь галимнәр һәм белгечләр Советы сайты.
Идел буе федераль округының яшь галимнәр һәм аграр югары уку йортлары белгечләре Советының киңәйтелгән киңәшмәсенең максатлары һәм бурычлары:
- аграр югары уку йортларында яшь галимнәр санының тотрыклы үсеше өчен алымнар һәм карарлар эзләү;
- яшь галимнәргә ярдәм итүнең нәтиҗәле ысулларын билгеләү;
- Идел буе федераль округының аграр югары уку йортлары арасында яшь галимнәрнең казанышларын популярлаштыру.
