2019 елның 12 июлендә Казан ДАУ делегациясе Саба аграр көллиятендә булды. Делегациядә түбәндәгеләр катнашты: урман хуҗалыгы һәм экология факультеты деканы Пухачеева Л. Ю., профессор Мусин Х. Г., халыкара бүлек башлыгы Нигъмәтҗанов А. А., Казан ДАУ фәнни хезмәткәре Гана Республикасы гражданины Даниель Афордоанья, Мисыр гражданины аспирант Ахмед Сөләйман, Үзбәкстан гражданины магистрант Рәүфов Умиджон һәм Казан ДАУ урман факультеты студентлары.
Делегация Казан ДАУ исеменнән һәм ректор Вәлиев Айрат Рәсим улы кушуы буенча Саба аграр көллиятен 10 яшьлек юбилее белән котлады һәм Казан ДАУ ректоры исеменнән Татарстан Республикасында аграр белем алуга өлеш керткәннәре һәм университет белән нәтиҗәле хезмәттәшлек итүләре өчен рәхмәт хаты тапшырды.
Катнашучылар алга таба мәгариф учреждениеләре арасында, шул исәптән уртак халыкара эшчәнлектә дә хезмәттәшлекне киңәйтү һәм ныгыту белән кызыксындылар.
