Урман хуҗалыгы һәм экология факультетының 2 курс студентлары Матюшино урманчылыгы территориясе структурасы белән таныштылар. Матюшино участогы урманчылыгы шәһәр яны зонасында урнашкан һәм шактый антропоген, технологик һәм рекреацион йогынтыларга дучар ителә. Профессор Мусин Х. Г. җитәкчелегендә студентлар урманчылыкның агач һәм куак токымнары белән таныштылар, шулай ук халыкның ялларда үзләреннән соң калдырган зыянны билгеләделәр.
