23 майда «Югары технологияләр өлкәсендәге технопарк «ИТ-парк» ДАУ территориясендә «Точка кипения – Казань» ачылды. Чарада Татарстан Республикасы Президенты Р. Н. Миңнеханов катнашты, Россия Федерациясе Президентының цифрлы һәм технологик үсеш мәсьәләләре буенча махсус вәкиле Песков Д. Н., Татарстан Республикасы Премьер-министры урынбасары-Татарстан Республикасы мәгълүматлаштыру һәм элемтә министры Р. А. Шәйхетдинов, Татарстан Республикасы икътисад министры Ф. С. Габделганиев, «Яшь профессионаллар (Ворлдскиллс Россия) «Һөнәри бергәлекләрне һәм эшче кадрларны үстерү агентлыгы " Берлеге генераль директоры Р. Н. Уразов һ.б. катнашты.
Төп максат - эшкуарларны, студентларны, галимнәрне, хакимият органнары һәм фәнни учреждениеләр вәкилләрен, Татарстан Республикасында инновацион проектларны булдыру һәм алга этәрү өчен актив яшьләрне берләштерү, шулай ук үз юнәлешләре буенча тәҗрибә, эшчәнлек нәтиҗәләре һәм төбәк үсешенең яңа модельләре белән алмашу.
ИТ-паркта «Точка кипения – Казань» эшчәнлегенең төп юнәлешләре түбәндәгечә: «цифрлы трансформация», «тотрыклы үсеш» һәм «халыкара кооперация», ә төп бурыч төбәкнең чимал булмаган экспорт потенциалын үстерү булачак.
Чарада Казан ДАУ ректоры Вәлиев А. Р., укытучылар һәм студентлар катнашты.
