Казан ДАУ 23 июльдән ВАН университетыннан Төркия галимнәр делегациясе визит белән. Визитның максаты - Казан ДАУ университеты җитәкчелеге һәм укытучылары белән узган елның көзендә башланган нәтиҗәле хезмәттәшлекне дәвам итү турында килешү төзү.
Делегация составында: Хөсәйн Карадаг - профессор, доктор, проект кураторы; Тайлан Аксу - профессор, доктор, фәнни кызыксыну: Лактобацилларның ферментациягә һәм аэробларга йогынтысы; Фикрет Яшар – профессор, доктор, фәнни кызыксыну: үсемлекләрне стресслардан биопрепаратлар ярдәмендә саклау; һәм Атаса Назми - прфессор, доктор, фәнни кызыксыну: ветеринария хирургиясе.
Бүген Төркия галимнәре делегациясе Агрономия факультетында булды. Делегацияне укыту - тәрбия эшләре буенча проректор Б. Г. Җиһаншин, Агрономия факультеты деканы И. М. Сержанов озатып йөрде. Очрашуда Казан ДАУ укытучылары һәм хезмәткәрләре катнашты. Профессор, а.х.ф.д. Сафин Р. И. «2014-2020 елларга Россия фәнни-техник комплексын үстерүнең өстенлекле юнәлешләре буенча тикшеренүләр һәм эшләнмәләр» ФМП кысаларында Россия Федерациясе Мәгариф һәм фән министрлыгы гранты буенча тикшеренүләрнең башлангыч нәтиҗәләре турында «Үсемлекләрне биотик, абиотик һәм антропоген стресслардан, шулай ук аларны адаптив игенчелектә куллану технологияләреннән саклауның заманча биологик системаларын эшләү» темасы белән җентекләп таныштырды. Шулай ук Төркия кунаклары агротехнологик тикшеренүләр Үзәгендә булдылар. Ахырда уртак фәнни проектлар һәм басмалар турында килешүгә ирешелде.
