Казан дәүләт аграр университетының яшь галимнәр Советы рәисе Сафиуллин Нияз Азат улы инициативасы буенча 13 декабрьдә икътисад институты бинасында Казанның яшь галимнәр һәм белгечләр советының күчмә утырышы узды.
«Казан дәүләт аграр университетының яшь галимнәр Советы эшчәнлеге турында» презентация белән Казан дәүләт аграр университетының яшь галимнәр Советы рәисе Сафиуллин Нияз Азат улы чыгыш ясады. Ул вуздагы фәнни эшчәнлек турында сөйләде, Совет составы буенча мәгълүматлар китерде, шулай ук 2018 елда үткәрелгән чаралар турында хисап тотты.
Икътисад институты, Механикалаштыру һәм техник сервис институты һәм агрономия факультеты буенча яшь галимнәрнең эшчәнлеге турындагы докладлар белән Ксения Александровна Пинина, Хөсәенов Раил Камил улы һәм Сөләйманов Салават Разяп улы чыгыш ясадылар. Казан яшь галимнәр Советы әгъзалары чыгыш ясаучыларга актив рәвештә сораулар бирделәр, шулай ук кызыксындырган юнәлешләр буенча элемтәләр урнаштырдылар.
Чыгыш ясадылар:
- 2018 елда Казанның яшь галимнәр һәм белгечләр советы эшчәнлеге турында (М. Ш. Сибгатуллина сөйләде)
- Яшь галимнәрнең «Шәһәрлеләргә торак» торак программасында катнашу нәтиҗәләре һәм яшь галимнәргә карата торак сәясәтен камилләштерү буенча тәкъдимнәр турында (Заһретдинова А. К., Шигаева Е. Ю. чыгыш ясады)
- Арбузовлар исемендәге Казан премиясенә конкурс нәтиҗәләре турында (Заһидуллин А. А.)
- Казан мэрының исемле стипендияләренә конкурс нәтиҗәләре турында хисап (Гапоненко С. О.)
- Казан мэрының исемле стипендияләренә конкурс үткәрү тәртибенә үзгәрешләр кертү буенча тәкъдимнәр турында хәбәр (М. В. Соколов)
- Казанның СМУС сайты тулылану нәтиҗәләре турында (Сафиуллин Н. А.)
- Социаль челтәрләрдә төркемнәрне тутыру нәтиҗәләре турында хәбәр (докладлар белән Заһидуллин А. А., Новиков А. А. чыгыш ясадылар)
- Казанның СМУС инициативаларын гамәлгә ашыру нәтиҗәләре турында (Е. Ю. Шигаева - Худяков премиясе турында, И. К. Низаметдинов – «Бизнес форматында фән» проекты, М. Ш. Сибгатуллин - башка инициативалар турында сөйләде).
