"Дәүләт һәм муниципаль идарә" юнәлеше буенча Казан дәүләт аграр университеты студентлары Мэр чакыруы буенча Казан шәһәре Думасының XXXII сессиясендә булдылар.
Бүген студентлар Казан мэры Илсур Метшинның, Казан шәһәре Думасының һәм Казан шәһәре Башкарма комитетының 2018 елгы хисабын тыңладылар. Утырышта шулай ук Татарстан Республикасы Президенты Рөстәм Миңнеханов катнашты. Студентлар утырышка чакыруны кичә Илсур Метшиннан алдылар. Алар Казан ДАУ очрашу барышында Мэрга кызыклы сораулар бирделәр һәм шәһәр мэриясенә киңәшмәгә эләгергә теләделәр.
