Яңалыклар

5-9 декабрь көннәрендә Мәскәүдә Россия авыл яшьләре берлеге унъеллыгына багышланган чаралар узды. Чарада Казан дәүләт аграр университеты вәкилләре, аерым алганда, корпоратив-кластер белем бирү үзәге җитәкчесе, "Россия авыл яшьләре берлеге" Татарстан төбәк иҗтимагый оешмасы рәисе Шаһивәлиев Ленар Рифат улы һәм икътисад институтының беренче курс студенты, "Россия авыл яшьләре берлеге" Татарстан төбәк иҗтимагый оешмасы рәисе урынбасары Шиһабеддинов Руслан Айдар улы катнашты.

5 декабрьдән 12 декабрьгә кадәр Казанда һөнәри белем бирү оешмалары һәм югары уку йортлары тулай торакларының студентлар советлары форумы узды. Чарада Казан дәүләт аграр университеты тулай торагының студентлар советы актив катнашты.

Казан дәүләт аграр университетының яшь галимнәр Советы рәисе Сафиуллин Нияз Азат улы инициативасы буенча 13 декабрьдә икътисад институты бинасында Казанның яшь галимнәр һәм белгечләр советының күчмә утырышы узды.

3 декабрьдә Лаеш балалар йортында тәрбияләнүчеләргә кунакка идарә кафедрасының өлкән укытучысы Сафиуллин Нияз Азат улы һәм кафедра мөдире вазыйфаларын башкаручы Савушкина Луиза Низам кызы җитәкчелегендә Казан дәүләт аграр университетының икътисад институтының 571 нче төркеме студентлары "Кыш бабайны эзлибез" интерактив программа белән килде.